פרייוועסי פאליסי

אייער לאקאציע

דער לוח און דאס זמנים קעסטל דארפן וויסן א לאקאציע נאר ווען איר בעט די זמנים פאר א פלאץ. ווען איר קלויבט אויס א שטאט, שרייבט אריין א זיפ קאוד אדער קאארדינאטן, אדער דרוקט "נוצט וואו איך געפין זיך יעצט", ווערן די קאארדינאטן געשיקט צו אונזער סערווער, וואס רעכנט אויס די זמנים, ליכט צינדן און מוצאי שבת, און דעם זייגער פון יענעם פלאץ. פארן זייגער שיקט אונזער סערווער די קאארדינאטן, און מער גארנישט, צו גוגל'ס צייט זאנע סערוויס.

די לאקאציע וואס איר האט אויסגעקליבן ווערט געהאלטן אויף אייער אייגענעם טעלעפאן אדער קאמפיוטער, כדי איר זאלט עס נישט דארפן נאכאמאל אריינשרייבן: אין דער עפפ שטענדיג, אויף דער וועבסייט נאר ווען "געדענקט מיינע סעטינגס" איז אנגעשטעלט. אויף אונזער סערווער בלייבט עס אין דעם רעקארד פון בקשות וואס ווערט באשריבן אונטן. איר קענט שטענדיג נוצן א שטאט נאמען אנשטאט אייער גענויע לאקאציע, און איר קענט דער עפפ נישט געבן די ערלויבעניש אויף לאקאציע.

יארצייט דערמאנונגען

ווען איר בעט א יערליכע דערמאנונג אויף א יארצייט, האלטן מיר אייער אימעיל אדרעס און דעם יארצייט וואס איר האט אויסגעקליבן. ביי א פריוואטן יארצייט האלטן מיר אויך דעם נאמען און דעם דאטום פון די פטירה וואס איר האט אריינגעשריבן, כדי די דערמאנונג און אייער קאלענדער פיד זאלן עס קענען ווייזן. דאס ווערט גענוצט נאר פאר די דערמאנונג אימעילס און פארן פיד. יעדער אימעיל האט א לינק זיך אויסצושרייבן, און איר קענט אונז בעטן אלעס אפצומעקן.

ווען איר שלאגט פאר א יארצייט וואס פעלט אדער א פארעכטונג, ווערן די פרטים וואס איר האט אריינגעשריבן געהאלטן ביז זיי ווערן איבערגעקוקט, צוזאמען מיט אייער אימעיל אדרעס אויב איר האט עס געגעבן.

ווען איר פארבינדט זיך מיט אונז

אימעילס וואס איר שיקט אונז בלייבן אין אונזער מעילבאקס מיט אייער אדרעס און וואס איר האט געשריבן, און ווערן גענוצט נאר אייך צו ענטפערן.

זמנים דורך טעקסט

טעקסטס וואס מען שיקט צום זמנים נומער קומען אן דורך Twilio, דער מעסעדזש סערוויס וואס טראגט זיי. מיר האלטן א רעקארד פון יעדן מעסעדזש מיטן טעלעפאן נומער, דעם טעקסט און דער צייט, כדי צו ענטפערן און זיך צו האלטן צום געהעריגן שיעור פון נוצן דעם נומער. מיר שיקן קיינמאל נישט א מעסעדזש וואס איר האט נישט געבעטן, און די נומערן ווערן נישט גענוצט פאר עפעס אנדערש.

וואס דער סערווער שרייבט אויף

ווי יעדע וועבסייט, שרייבט אונזער סערווער אויף יעדע בקשה: דעם אדרעס (IP) פון וואו זי איז געקומען, וועלכע בלאט אדער דאטא מען האט געבעטן, די בלאט וואס האט אהין געפירט, וועלכע סארט בראוזער אדער עפפ, און די צייט. ביי זמנים בקשות זענען די קאארדינאטן א טייל פון דער בקשה און ווערן מיטגעשריבן. די רעקארדס דינען פאר סטאטיסטיק, זיכערהייט און פאררעכטן פראבלעמען; מיר נוצן זיי נישט צו וויסן ווער איר זענט.

סעטינגס אויף אייער טעלעפאן אדער קאמפיוטער

אייער שפראך, סארט קאלענדער, בליק, זמנים אפציעס און אויסגעקליבענע לאקאציע ווערן געהאלטן נאר אין אייער בראוזער אדער אין דער עפפ אויף אייער טעלעפאן. אויף דער וועבסייט פאסירט דאס נאר ווען "געדענקט מיינע סעטינגס" איז אנגעשטעלט; שטעלט עס אפ און די געהאלטענע סעטינגס ווערן אפגעמעקט. די וועבסייט נוצט אויך א טעכנישן קוקי צו האלטן אייער סעסיע בשעת די בלעטער לאדן דאטא.

אנדערע סערוויסעס וואס מיר נוצן

• גוגל אנאליטיקס אויף דער וועבסייט ציילט באזוכן: וועלכע בלעטער מען קוקט, בערך פון וואו, און מיט וואספארא סארט טעלעפאן אדער קאמפיוטער. גוגל לייגט דערפאר אריין אייגענע קוקיס. די עפפ האט בכלל קיין אנאליטיקס.
• דאס שטאט זוך קעסטל אויף דער וועבסייט און די גוגל שריפטן פאר איר טעקסט ווערן געלאדן פון גוגל, אזוי אז אייער בראוזער פארבינדט זיך מיט גוגל און גוגל זעט אייער אדרעס. די עפפ נוצט דעם אדרעס זוכער וואס איז איינגעבויט אין ענדרויד צו טרעפן א שטאט, נישט גוגל מעפס.
• גוגל'ס צייט זאנע סערוויס באקומט די קאארדינאטן פון א לאקאציע, ווי אויבן באשריבן.
• Twilio טראגט די טעקסט מעסעדזשעס פונעם זמנים נומער.
• ווען אן אנדערע וועבסייט ווייזט איינעם פון אונזערע דאטום אויסקלויבערס, לאדט יענע בלאט לוח דאטא פון אונזער סערווער, און די בקשה ווערט אויפגעשריבן ווי אויבן. מיר ווייסן דערפון גארנישט וועגן ווער איר זענט.

וואס מיר טוען נישט מיט אייערע אינפארמאציע

• מיר פארקויפן נישט און פארדינגען נישט אייערע אינפארמאציע, און מיר געבן עס נישט ווייטער פאר קיינעם.
• מיר ווייזן קיין רעקלאמעס און נוצן קיין רעקלאמע נעטווארקס.
• עס זענען נישטא קיין אקאונטס און קיין פראפילן.
• די עפפ לייענט נישט אייערע קאנטאקטן, בילדער אדער פיילס, און זאמלט נישט קיין נומערן וואס אידענטיפיצירן דעם טעלעפאן.

וואס איר קענט אויסקלויבן

• נוצט א שטאט נאמען אנשטאט אייער גענויע לאקאציע, אדער גיט נישט די ערלויבעניש אויף לאקאציע.
• לאזט "געדענקט מיינע סעטינגס" אפגעשטעלט, אדער שטעלט עס אפ כדי אפצומעקן וואס איז געהאלטן געווארן.
• שרייבט אייך אויס פון די דערמאנונגען מיטן לינק אין יעדן דערמאנונג אימעיל.
• שרייבט אונז, און מיר מעקן אפ אלעס וואס מיר האלטן וועגן אייך.

פארזיכערונג פון די אינפארמאציע

אלעס גייט דורך פארזיכערטע פארבינדונגען (HTTPS), און די אינפארמאציע ווערט געהאלטן אויף אונזער אייגענעם סערווער.

קינדער

די וועבסייט און די עפפ זענען געמאכט פארן ברייטן ציבור און זענען נישט געצילט אויף קינדער אונטער 13; מיר האלטן וויסנדיג גארנישט וועגן זיי.

ענדערונגען

אויב די פאליסי ענדערט זיך, וועט די נייע ווערסיע שטיין אויף די בלאט מיט א נייעם דאטום.

פראגעס

פראגעס וועגן פרייוועסי: שרייבט צו info@jewishluach.com אדער נוצט די פארבינדט אייך בלאט.